NATIONAL NEWS– Aminado hi Vice President Sara Duterte nga iya na ginlalauman nga iibanan an P903 million nga balaodnon nga budget han Office of the Vice President (OVP) para ha 2026 pananglitan ine in mapaghisgutan ha Kongreso.
Dugang pa hine, dire na hiya naglalaom hin dugang nga pondo matungod parehos la an mga liderato han adminstrasyon.
Manunumduman, gin-ibanan han Kongreso an OVP budget tikang ha P2 billion ngan nagin P733 million nala ine han nakalabay nga tuig, matungod ha pagbaribad niya nga bumaton ha pamakiana kasumpay ha paggamit han pondo han OVP kalakip na an confidential funds.
Para ha 2026, ginpahitaas ha P903 million an balaodnon nga budget ha OVP, pero subay kan OVP spokesperson Ruth Castelo waray hira hahangyuon nga confidential fund.
Gindumara naman han ika-duha nga presidente an alegasyon nga “habitual absence” ngan gindig-unan nga waray ine basaranan.
Gin-ayat pa hine an mga manbaralaod nga igawas an kalugaringon nira nga travel records ugsa hiya nga akusaran hin pagigin abusada ha pag-travel.
