NATIONAL – Nagsalawad na gihapon hin bulag nga Petition for Certiorari and Prohibition ha Supreme Court hi VP Sara Duterte kasumpay ha impeachment case nga iginpasaka haiya han Kamara.
Igin salawad ine han kampo han bise presidente pinaagi han Fortun Narvasa and Salazar law offices.
Nasigurado naman nga nakarawat na ine han korte pero waray na ine maihabol ha ira en banc session.
Labot pa manggud ine ha petisyon han upat nga Mindanawon lawyers para balabgan an impeachment proceedings kontra ha bise-presidente.
Gin gihapon han mga abogado nga hira Atty. Israelito Torreon, Atty. Martin Delgra, Atty. James Reserva, Atty. Hillary Olga Reserva, ngan Atty. Luna Acosta—nga magpagawas an Korte Suprema hin emporary Restraining Order (TRO) ngan Injunction para ha pagpapawaray-bisa an impeachment complaint.
Kaupod gihapon ha mga nagpetisyon an Bise Alkalde han Davao City, pira nga mga membrto han konseho ha syudad, ngan mga kilala nga political vloggers nga hira Darwin Salcedo, Lord Byron Cristobal, ngan Lord Oliver Raymund Cristobal.
