NATIONAL – Ginpahayag ni Vice Presidente Sara Duterte nga andam hiya ha bisan anuman nga magigin desisyon han Senado kasumpay ha iya impeachment trial nga temporaryo nga gintalaan nga magtikang ha Hulyo 2025.
Manunumduman nga gin-impeach hi Duterte dida han Pebrero han Kamara de Representantes mahitungod ha nagtitikahalarom nga away ha pamilya hine ngan han Marcos clan, nga dati hine nga kaalyado.
Mahuman nga bumotos kakulop ha iya presinto ha Kamara de Representantes , ginmalatumat han bise presidente nga bisan anu paman an mahitabo in andam ine niya nga kaatubangon.
Kun mapapamatud-an nga guilty han mga senador, posible nga tanggalon ha pwesto ngan pagbawalan nga kumapot hin bisan anuman nga pampubliko nga posisyon ha mga maabot nga panahon.
