TACLOBAN CITY – Gindumara yana nga adlaw an panunumpa o oath taking ceremony han pira nga mga elected officials ha rehiyon o ha Eastern Visayas.
Ginpangunahan ni Justice Bautista Corpin an oath-taking nira Congresswoman Yedda Marie Romualdez, Congressman-elect Tingog Partylist Representative Jude Philip Acidre, Tacloban City Mayor Alfred Romualdez ngan ni House Majority Leader Ferdinand Martin Romualdez ha pangunguna naman ni Brgy. Chairman Rodolfo Padillo.
Usa-usa nga naghatag hin mga mensahe an mao nga mga elected officials mahuman an ira oath taking nga gindumara ha RTR Gymnasium ha Tacloban yana nga adlaw.
Nagpasalamat an mga ini ha naging suporta han mga katawhan ha ira han naglabay nga eleksyon ngan nagpatapod nga igpapatuman an mga programa para han ikakaribhong dire la han rehiyon kundi han bug-os nga nasud.
Samtang, naging primero naman nga bisita ha mao nga aktibidad yana nga adlaw hi LAKAS CMD Chairperson ngan Vice President-elect Sara Duterte.
Ha iya mensahe, nagpasalamat gihapon ini ha mga sumuporta ha iya labi na ha mga taga-Tacloban ha kaluyo nga waray ini makatambong han grand rally han BBM-SARA tandem han nakalabay nga campaign period ha syudad.
