NATIONAL – Gin tag usa-usa ni Vice President Sara Duterte an daw mga buwi ni Philippine National Police (PNP) Chief Police General Rommel Francisco Marbil ha mga pahayag hine kasumpay ha pagbawi han iya security personnel.
Ha igin pagawas nga open letter ni Duterte, syahan hine nga gin klaro nga waray hiya proble ha pagtanggal han PNP Chief han iya 75 nga security personnel nga nagseserbi nga security team han OVP, pero dire daw mailon han bise-presidente an magkaduru-dilain nga istorya ngan rason ni Marbi ngan padayon an pagbinuwa hine ha katawhan.
Gintagan duon gihapon ni Duterte nga an Vice Presidential Protection Division nga nagpapailarom ha Police Security and Protection Group (PSPG) subay ha mando han NAPOLCOM in gintuyo daw paghimo para dire na pakialaman pa han NP Chief an security han Vice President.
Manunumduman nga ginpahayag han PNP Chief nga ugsa nira tanggalon an security details han bise-presidente in nag-request anay hira ha OVP kun pwede nira ine ig pull-out mahitungod nga kinahanglan nira hin dugang nga pwersa han kapulisan ha National Capital Region, ngan tumugot naman daw an OVP.
Pero ha surat ni VP Sara, waray daw request nga nahitabo ngan dayun nga ginkuha la ha iya an iya security team pero waray na daw ine makig-baribad mahitungod nga dire man daw hine maaapektaran an ira trabaho kumo bise-presidente.
