ENTERTAINMENT–Umato an vlogger nga hi Jack Agorta kasumpay ha posible nga pag-subpoena ha iya han National bureau of Investiagtion (NBI) ha ginaalegar nga pagpapasarang hin peke nga medical record ni Pangulong Ferdinand Marcos Jr.
Ha iya usa nga social media post, naghatag ini hin mga tirada nga reaksyon kun diin syahan niya ginbatikos hi Atty. Jesus Falcis ngan gindepensaran an kalugaringon.
Ginmalatuamt kasi han kilala nga abogado nga hi Atty. Falcis nga mayada duha nga klaro nga posbile nga sala ni Agorta, kun syahan hini kay an pag-post in ginaalegar nga peke nga medical record han Presidente, nga posible nga tumalapas ha medical and data privacy laws ngan pagpapasarang nga mayada ‘kanser’ hi Marcos Jr.
Ginduon naman han vlogger nga nakit-an niya an dokumento ha social media ngan gin-enhance niya ini gamit an ChatGPT.
Dugang pa hini, gintawagan niya nga pampatawa la an iya komento kasumpay ha ‘kanser’ han Pangulo.
Mababaruan nga ginmalatumat ni NBI Acting Director Lito Magno, nga iimbestigahan han ahensya an mga indibidwal ngha nahiupod ha pagsarang han nasabi nga dokumento, nga gintudlok niya nga national security concern.
Subay ha post ni Atty. Falcis, pwede la gihapon ma-retrieve an post ni Argota kumo ebidensya bisan nga gin-delete na ini, pero gindiwara naman han vlogger nga nag-dedelete ini hin posts ngan nawawara la an pira ha mga ini mahitungod nga ginrereport danay.
Ginayat gihapon niya an hin-o man nga igpakita an orihinal nga medical record han Presidente agud nga makit-an kun peke ba ini.
Ha pagkayana, waray pa opisyal nga pahayag an Malakanyang kasumpay ha mao nga kontrobersiya.
