TACLOBAN CITY – Ginpahuruhugot han Villaba, Leyte LGU an ginpapatuman nga mga health protocols mahuman nga makaghipatik hin local transmission han COVID-19 ha ira lugar.
Sumala kan Teddy Bapor, municipal administrator han Villaba, nga nagtikang an mao nga kaso mahuman nga magpositibo an usa nira nga residente nga na admit ha Tacloban ngan nagbilin hin 31 nga direct contact kun diin 12 dinhi an mga nagpositibo.
Nagpapadayon naman an ira contact tracing ngan pagpamulat han resulta hiton RT-PCR test han iba pa nga close contact.
Mahitungod han mao nga panhitabo in nagpalusad hin kamanduhan an LGU han Villaba nga bawal la anay mag travel an tanan nga mga mulopyo ngan sugad man an pagpasulod ha mga manguguli o mapasyada ha ira bungto.
Temporaryo la gihapon anay nga ginsuspendir an pag release han certificate of acceptance para ha mga mangunguli nga LSIs.
