TACLOBAN – Opisyal na ideneklara han Sangguniang Panlalawigan han Pampanga, ha pangunguna ni Vice Governor Dennis “Delta” Pineda, an tumalikod ha kadayunan nga hi Chris Lorenz Tanglao Fabian kumo“Pride of Pampanga” ha iya ginpakita nga kaisog ngan malasakit, sugadman sakripisyo.
Ha butnga han trahedya, San Jose National High School ha Tacloban City, waray unaha nii Chris an iya kalugaringon.
Lugod iya ginpakita an iya pagigin bayani, pinaagi hiton pag-protektar ha iya mga classmate.Nagtubo ha Brgy. Lourdes, Minalin ngan Brgy. Dau, Mabalacat City an kag-anak ni Chris.
Yana nga adlaw, personal nga ginbisita ha Tacloban City nira Vice Governor Dennis “Delta” Pineda, Pampanga Mayors’ League President ngan Apalit Mayor Jun Tetangco, Minalin Mayor Philip Naguit, ngan 4th District Board Member Kaye Naguit an pamilya hine, ngan nagpadangat hin pakikisbo han mga Kapampangan sugadman an paghatag hiton Resolution No. 10319, an an bulig pinansyal na gihapon.
Ugsa hine, naghatag naman anay ine hin courtesy call kan Leyte Governor Carlos Petilla ugsa nga kumadto ha panimalay han mga Fabian.
Pinaagi han resolusyon, ginpadangat han Lalawigan han Pampanga an hitaas nga pagkilala ha mga kabataan nga nagseserbi nga inspirasyon dire la ha mga Kapampangan, kundi ha bug-os nga nasud.
