-- Advertisements --
NATIONAL NEWS– Sumaka na ha P17 trillion an kabug-usan nga utang han nasud.
Subay ha Bureau of Treasury (BTr) an nasabi nga ihap in naitala han nakalabay nga bulan han Hunyo kun diin ine in matungod ha hitaas nga local borrowing para mabaton an gintatawag nga fiscal shortfall.
Mayda naman naitala nga 2.1 percent kada bulan nga paghitaas han utang hiton nasud kutob nga umabot ine hin P17.27-T nga bag-o nga record high.
Dugang pa han BTr nga ha pagtikang pala han tuig an utang in humitaas hin 7.6 percent o P1.2 trillion.
Subay ha datos han ahensya nga an domestic borrowing in hinmitaas ha 1.4 percent o kabalyo ine hin P11.95 trillion.
Samtang an external debt in hinmitaas gihapon ha 3.5 percent o kabalyo hin P5.32 trillion.
