TACLOBAN CITY — Bumalik na ha panbaligya an usa nga organisasyon han mga parag-uma ha northern baranggays ha ira mismo pwesto ha City Agri Office mahuman nga maundang matungod ha pandemya.
An Sta. Elena Farmers Federation sugadman an pira nga mga parag-uma ha northern baranggays in nakapag-harvest na utro han ira mga pananom.
Sumala kan Romelo Anade, Head han Tacloban City Agriculture Office, iba-iba nga klase han mga presko nga mga utanon ngan prutas an ginbabaligya han mga ini ha habubo nga presyo para ha mga mamaralit.
Naghangyo manggud an usa nga miyembro han mao nga organisasyon agud makapagbaligya ngan makabalik na hira ha ira pwesto ha City Agri Office.
Dugang pa hini, kinahanglan na nga maibaligya an mga harvest matungod deri na kaya maabsorb han baranggay an nasabi nga mga produkto.
Naging masurong naman an mga utanon han mga parag-uma ha ira pagtitikang kakulop nga adlaw han panbaligya ha City Agri Office.
