ODD NEWS – Usa nga Chinese nga lalaki an nagselebrar dire la tungod han iya 14th birthday kundi tungod gihapon nga hiya an ginkilala han Guiness World Records kumo pinakahitaas nga teenager ha bug-os nga kalibutan.
Hi Ren Keyu han Leshan, Sichuan Province ha China, in ginsukol hin tulo kabeses han usa kaadlaw samtang hiya in natukdaw ngan nahigda tungod nga ini in nasusubay ha Guiness requirements.
Gumawas an opisyal nga kahitas-on hini nga maabot ha 7 feet ngan 3.02 inches.
Sumala han pamilya ni Keyu, nakadamo na nira nga ginpadoktor hi Keyu han barubata pa ini pero waray naman bisan ano nga diagnosis nga mayda ini inaabat nga kondisyon ngan sakit nga makakapag esplikar han kahitas-on hini nga dire naangay ha iya edad.
Nagtutuo naman ini nga posible nga namana o hereditary an kondisyon ni Keyu tungod nga an bug-os nga pamilya hini in mga higtaas.Sumala naman kan Keyu nga tungod nga dire hiya gintutugutan nga bumulig ha basketball ngan iba pa nga mga sports tungod han iya duro nga kahitaas, mas ginpipili nala niya nga magbasa hin libro ngan magmulay hin mobile games.
