TACLOBAN CITY- Patay an usa nga inmate mahuman nga maghigkog ha sulod han presuhan ha
Provincial Jail Kauswagan Palo Leyte.
Ginkilala an biktima Pelicisimo Lasar, ada ha sakto nga pangidaron ngan residente ha Mc. Arthur Leyte.
Sumala kan PLtCol. Joselito Villas, Chief of Police Palo MPS, an mao nga inmate in usa ha mga preso nga damo an ginkakatubang nga kaso sugad han murder, rape, frustrated homicide ngan ine in may sentensya na nga reclusion perpetua.
Subay ha imbetigasyon nga an mao nga biktima in damo na an ginbubuhat nga dire na buruhaton han usa nga normal an panhuna-huna, sanglit nga napagdesisyonan han mga otoridad nga ig butang ine ha cell number 4 ha annex building han mao nga presuhan kun diin mag-usahan la ine.
Dugang pa han mao nga opisyal nga natad-an nala nga nakabitay na patay nga lawas han biktima gamit an usa nga pisi, samtang nag rurubing an mga jail guard ha mao nga presuhan.
Hapagkayana in nahi-uli na an patay nga lawas ha pamilya hine ngan presente nga nakahay-ad ha Mc. Arthur Leyte.
Usa naman nga ginhihingita nga rason han pagpakamatay han mao nga inmate in matungod nga nag-kaka-experyensya ine hin depresyon, waray man nakikit-an nga foul play ha mao nga panhitabo.
