ODD NEWS- Usa nga babaye ha Thailand in nakakuha hin atensyon han mga netizens ha bug-os na kalibutan mahuman ini nga mag-abri hin usa nga professional dating school.
Ginkilala an mao na babaye nga hi Praiya Suriya, sumala ha iya hiya in nagka-ada hin uyab hin maabot 5,000 nga mga riko na kalalakin-an ha magkadirudilain nga nasud.
Sumala han report, an iya gintindog nga skwelahan in may-ada panuyo nag matutduan an mga kababayin-an kun anhon pagkaada hin riko nga lalaki nga uyab.
Ha usa nga facebook video ni Suriya, iya ginpahayag nga usa la hiya nga nagbuhat hin sugad hini nga makag-abre hin professional dating school. Dugang pa niya nga diri mahal an mao nga dating school ngan madali la makasakob hini.
![](https://img.bomboradyo.com/tacloban/2020/07/praiya-suriya_20170624_164532.jpg)
Nagyakan gihap hi Suriya nga damo na an iya nabuligan nga mga kababayin-an nga makabiling hin ira mga karelasyon.