TACLOBAN CITY — Patay an usa nga anay Baranggay Captain mahuman nga pagpusilon han waray makilal-i nga mga suspek ha Barangay. Libertad Victoria, Northern, Samar.
An biktima in kinilala nga hi Victoriano Mondigo Magadarao, 38-anyos, self-employed ngan nag-uukoy ha Brgy. Pasabuena Victoria, Northern, Samar.
Sumala kan PLt. Col. Bonifacio Ricafort, Information Officer Northern Samar Police Provincial Office, nakit-an nala an patay nga lawas ha ligid han kalsada ha nasabi nga tay-aw nga lugar.
Basar ha inisyal nga imbestigasyon, samtang tipauli an biktima ha ira lugar sakay han iya motorsiklo in mayda umabot nga waray makilal-i nga mga suspek ngan tigda ginpusil an biktima hinungdan han iya kamatayon.
Hapagkayana, padayon an imbestigasyon han mga kapulisan ha naging motibo ha pagpusil-patay ha biktima.
Nanawagan naman an mga kapulisan ha mga nagpakakita ha mao nga insidente nga dayon makipagsumpayan ha ira stasyon agud makab-ot han biktima an hustisya.
