INTERNATIONAL – Usa nga US journalist, nga ginkilala kumo hi Jeffrey Goldberg, an aksident nga nai-add ha usa nga group chat kun diin, ginpag-estoryahan han mga higtaas nga opisyal han Estados Unidos kaupod hira US Defense Sec. Pete Hegsent ngan US VP JD Vance, an mga nagtitikahirani nga airstrike kontra ha mga Houthi rebels ha Yemen.
Ginamin han White House an security breach dida han Lunes, oras ha America, ngan ginmalatumat nira nga aksidente nga nadugangan an usa nga numero ha usa nga char.
Manunumduman nga an mga airstrike, nga ginanunsyo ni US Pres. Donald Trump dida han Marso 15, in pangungunahan han mga detalye nga ginpaangbi ha chat, kaupod an impormasyon kasumpay ha mga target ngan oras han pag-atake, nga waray ginpahayag ni Goldberg.
Sumala ha leak han Estados Unidos, nagpadara hi US Defense Sec. Hegseth hin detalyado nga impormasyon kasumpay ha strike, pati na an oras han pagbuto hini ha pira nga parte han Yemen kun diin naka base an Houthi rebels.
Nagdrra naman ini hin pagkasina han mga mga Democrats, kun diin ginmalatumat ni US Senate Minority Leader Chuck Schumer nga ini in pagtalapas ha military intelligence ngan nag-demand hin dayon nga imbestigasyon.
