WASHINGTON D.C., USA – Tumalikod na an civil rights pioneer ngan Baptist minister nga hi Reverend Jesse Jackson ha edad 84.
Ginkumpirma ini han iya kaanak pero waray na maghatag pa hin bisan ano nga detalye han pagkamatay hini.
Dida han Nobyembre han nakalabay nga tuig in gindara ini ha ospital mahitungod ha progressive suprnuclear palsy nga nakakaapektar ha paglakat hini.
Tuig 2017 han ma-diagnosed gihapon hiya hin Parkinson’s Disease.
Ginpanganak hi Jackson ha Greenville, South Carolina kun diin sumikat hiya ha pagigin aktibista.
Nagin harani gihapon hiya kan Dr. Martin Luther King ngan upod pa hiya hini nga nagmartsa ha mga protesta.
Dumalagan ini ha pagka-presidente dida han 1984 ngan 1988 pero napirde ini.
Ginlunsar niya dida han 1984 an National Rainbow Coalition nga kritiko ni US President Ronald Reagan.
Dida han 1999 in bumulig hi Jackson agud mapagawas an tulo nga US serviceman nga ginkidnap ha Yugoslavia sanglit gintagan hiya ni President Bill Clinton hin Presidential Medal of Freedom.
