TACLOBAN CITY – Nakatalaan nga abrehan yana nga adlaw hiton lokal nga pangobyernuhan han Samar an upat hini nga mga tourism destination pira kabulan mahuman ini igsara ha mga bisita tungod ha hulga ha COVID 19 pandemic.
Sumala kan Karena Rosa Tiopes, regional director han Department of Tourism 8, an aabrehan nga mga destinasyon ha probinsiya han Samar amo an Ulot Extreme Torpedo Boat Ride ngan Paranas Eco-trail ha Paranas, Lulugayan Falls ha Calbiga ,Sohoton Cave Natural Bridge and National Park ha Basey ngan an San Juan by the Bay ha Sta Rita.
Ini nga mga tourism destination in abre la para ha mga turista nga taga region 8 nga aada ha Modified General Community Quarantine ( MGCQ ) status.
Sumala pa kan Tiopes an desisyon nga mag abre ha mga tourism destination in aada la gihapon han kamot han mga local government units ngan kinahanglan liwat nga andam sumunod an mga bisita ha mga ginpapatuman nga mga health protocols.
Sumala naman kan Samar Governor Reynolds Michael Tan, hinay hinay nira aabrehan ha mga turista an pira nga parasyadahan ha Samar tungod damo nga mga empleyado o trabahante iton dida nalaum han ira pakabuhi.
