INTERNATIONAL – Pakyas utro nga magkasarabot an Ukraine ngan Russia para ha ceasefie ha ikaduha nga round han direct talks.
An ira la nakasarabutan in an balyuay han mga war prisoners kaupod an tanan nga may mga sakit ngan grabe nga samad sugadman an aada ha edad 25 paubos.
Sumala ha Ukrainian negotiators, utro nga ginbaribad han Russia an full unconditional ceasefire ha sakob han 30 ka-adlaw nga pangunahon nga demand han Ukraine ngan han mga kaalyado hini ha Europa ngan Amerika pero nagpatapud an mga ini hin pagbalik han mga lawas han 12,000 nga sundalo nga namatay ha giyera.
Ha Russia naman, ginduduso nira an duha o tulo ka adlaw nga ceasefire ha pira ng lugar ha may frontline pero waray naman ini naghatag hin kadugangan pa nga detalye.
Nag-iha an nasabi nga direct talks ha butnga han mga negotiator han Ukraine ngan Russia nga nag-iha hin kutob usa ka-oras nga ginganap naman ha kapital han Turkey nga Istanbul.
