TACLOBAN CITY – Gin kakabaraka han usa nga ekonomista ha sinirangan bisayas nga dako an magiging epekto ha ekonomiya ug turismo han nahihinabo nga krisis hin lana ha nasud.
Sumala kan Up Tacloban College Division of Social Sciences Economics, Assistant Professor, Gerwyn P. Enerlan, kun mag padayon ha duha ngada ha tulo ka bulan an nahihinabo nga krisis hin lana in dehado ug dako an tyansa nga lumuya an ekonomiya han nasud dugangan pa han diri maupay nga ekonomiya han nakalabay nga tuig.
Gin tutuohan pa hini nga an mga subsidiya nga igin hahatag han gobyerno in diri makakabulig dali-dali ha ekonomiya mahitungod nga an mabubuligan la hini in an mga nagamit hin gasolina ilabi na an mga PUV drivers.
Dugang pa hini, maiyayakan nga nakakabulig ha ekonomiya an usa nga pitad kun ini in natatagamtaman han ngatanan. Sugad, ngatanan nga tawo nakakapalit ug diri nalilimitaran an mga tawo nga gumi-os.
Mahitungod nga sumala pa hini, kun an pag hitaas han presyo hin gasolina in nalilimitaran an mga tawo pag gi-os sugad pag travel ngan pag palit, in laoman na an pag luya han ekonomiya.
Ha lain nga bahin, nagtutuo hi Enerlan nga naghihimo hin pitad an mga opisyal han gobyerno nga ma alleviate an epekto han krisis ha nasud mahitungod nga majority han mga Pilipino in naiigo hini.
Pahinumdom naman hini ha publiko, nga mas maging madig-on ug mag andam pa ha mga masunod nga semana ug bulan mahitungod nga kun magpapadayon an krisis ha gasolina in lauman an mas pag iha ug pag gawas han negatibo nga epekto hini ha merkado ngan ekonomiya han nasud sugad an pag hitaas han pasahe ug presyo han pangunahon nga mga papliton.
VC 4 DY APR7AM<<<<<<<<<<<<<<<
An nagin kaparte han pahayag ni UP TACLOBAN COLLEGE DIVISION OF SOCIAL SCIENCES, ECONOMICS, ASSISTANT PROFESSOR, GERWYN P. ENERLAN
