TACLOBAN CITY — Mas nagtitikaribhong na an turismo han Eastern Visayas kun igkukumpara han naglabay nga mga tuig nga damo pa an mga kaso han COVID-19 virus.
Nakabulig manggud an deri paglockdown han pira nga lugar ha rehiyon kalakip na an Tacloban bisan ha kaluyo hiton nagpapadayon nga pandemya.
Sumala kan Bardot Atillo, Head han Tacloban City Tourism Office, sentro an manggud an Tacloban han mga pangunahon nga mga negosyo sugadman aanhi gihapon an mga malls, ospital, mga terminal, eskwelahan labi an airport.
Hinay-hinay gihapon nga nakakabakdaw an ira nga mga negosyo matungod hiton nagpapadayon nga pagkaabot han mga returning residents ngan nabisita deri la ha Tacloban kundi ha bug os nga rehiyon 8.
Damo na gihapon daw an nag-aabre nga mga restaurant agud maghatag hin magkalain-lain nga mga cuisine ha mga bisita.
Labot la ha mga pagkaon, in damo gihapon nga mga beaches o destinasyon an pwede makadtuan han mga turista o bisan man mga local residents.
