NAKAKARAWAT hin grabi nga pagsukna ha China an pira nga babayi nga cosplayer mahuman nira igbaligya ha usa nga anime convention an irimnon nga tikang ha tubig nga ginbabaran han ira mga tiil.
Naganap an kontrobersyal nga aktibidad ha Firefly Comic Convention ha Guangzhou, China nga gingaganap dida han Hulyo 17 kutob 20.
Ha mga nagsarang nga litrato ngan video ha Chinese social media, makikit-an nga nakalingkod an mga cosplayer samtang nakababad an ira tiil ha dako nga burutangan nga may tubig samtang an iba naman in ha softdrinks.
Ginbasya naman an ira mga kaurupdan an gintatawag nga “feet juice” ha mga disposable cups ngan ginbaligya ha kantidad nga 50 yuan o 400 pesos kada baso.
Ha kaluyo han kakaiba nga pagpreparar hini, damo an pumila agud matilawan an irimnon. Sugadman, gintawag han pira nga netizens nga mahugaw ngan dire angay ha usa nga pampubliko nga katitirok an sugad nga pagbaligya han tubig nga ginbabaran han tiil.
