TACLOBAN CITY – Malipayon ngan dire pa makatuod iton nagin Top 1, ha kahuhuman pala nga Physical Therapist Licensure Examination.
An mga Physical Therapist, an mga naghahatag hin special nga medical attention ha mga disable nga pasyente.
Sumala kan Michael Raymar Nivera, residente han Brgy, Punong Carigara Leyte, ngan Top 1, 2024 Physical Therapist Licensure Examination, dire naman ine nagdadahom nga magin Top 1 iya, matungod nga karuyag la niya nga makapasar ngan mahilakip ha Top 10, pero kabaliktaran ine ha nagin resulta kun diin mas labaw pa an iya nakarawat.
Dugang pa hine, nga usa ha iya mga ginhimo agud nga magin top 1, in an pag-pukos ha pagbasa ngan pag-istudyo.
Mababaruan nga nakakuha ine hin 91.95% nga score ha nasabi nga eksaminasyon.
Hi Michael Raymar Nivera, in nag gradwar ha Remedios Trinidad Romualdez Medical Foundation College.
