-- Advertisements --
Maabot ha 337,476 nga empleyado ha pribado nga sektor ha Central Visayas an makakatagamtam ha P42 nga kadugangan ha minimum wage mahuman pakusgon han National Wages and Productivity Commission (NWPC) an wage order para ha rehiyon.
Sumala ha Department of Labor and Employment (DOLE), magigin epektibo an bag-o nga wage rates ha Oktubre 14.
Ha ilarum han bag-o nga wage order, magigin P582 kada adlaw an minimum wage ha mga lugar nga lakip ha Class A, samtang, P542 kada adlaw naman ha Class B areas.
Lakip han wage increase an mga empleyado ha pribado nga sektor ha Cebu, Bohol, Negros Oriental ngan Siquijor.
