TACLOBAN CITY – Nanawagan an Traffic Operations, Management, Enforcement, and Control Office (TOMECO) ha publiko nga diri na magsupak pa ha balaud bahin han pagtugot han backride
Sumala kan Ronnie Cornico, Tagmangulo han TOMECO, nga mayda man gud pira nga mga indibidwal an diri natuman ha balaud ngan basta nala nga nabiyahe bisan pa waray an mga ini mga kapot nga mga ginkikinahanglan mga resikitos.
Panawagan naman han mao nga opisyal ha publiko nga mas maupay nga diri nala magtesting nga magbiyahe an diri mga kwalipikado ha backride mahitungod mas mahal pa nga multa an gin aaro kun an mga ini in madakop han LTO.
Mababaruan nga usa nga ginkikinahanglan han mga otoridad in an pagpresenta han mga magtiayon o mag partner hin pagmatuod nga hira in tinuod nga mag asawa o kun magpartner o di man ngani kun hira in tuod nga magkapamilya.
