TACLOBAN CITY – Gin-tagan hin kabatunan han Traffic Operations Management Enforcement and Control Office o TOMECO, an may paghisumpay ha reklamo han pira nga mga vendors ha merkado publiko nga ginpapan-iwas matungod ha road clearing operation nga ginhimo han ira buhatan.
Sumala kan Restituto Reglos, Chief for Operations Division han TOMECO, nga an ira ginhimo nga road clearing in kaparte gihapon han kamanduhan nga ira ginsusunod kun diin ine in colaboration han mga tinaglawas han lokal nga pangobyernohan, nga naka-assign ha merkado publiko.
An mao nga clearing operations, in agud nga matagan hin iwag an pagpapaupay han merkado, kasagaran mangud in nagigin mahugaw na ine ngan dire namimintinar an kalipyo.
Dugang pa ni Restituto, nga ine an rason kun kay-anu may pipira nga mga market vendors an mga napaiwas ha ira anay mga ginpwepwestuhan, matungod an mga ine in nagpapaka-ulang ha mga pathway kun diin aragian ine han mga indibidwal nga mga mamaralit.
Gindig-unan naman han mao nga opisyal, nga waray ine kalabutan ha politika.
Nanawagan naman ine ha ngatanan nga mga market vendors, nga makipagkooperar ha ira ginhihimo nga mga pagbabag-o matungod nga para man ine ha ngatan ngan igkakauswag han syudad hiton Tacloban.
