TACLOBAN CITY- Ginpahibaro han pamunuan han Traffic Operation Management Enforcement and Control Office, TOMECO nga kinahanglan nga gumamit hin full face helmet o diman ngani half face helmet nga mayda ICC sticker, an mga mabiyahe nga mga motorista agud nga dire an mga ine magkadadakop.
Sumala kan Ronnie Cornico, Head han TOMECO, nga kinahanglan nga magsunod an mga ine para ha ira katalwasan ngan usa pa an may ICC sticker nga helmet in rekomendasyon tikang han National para ha mga motorista.Mababaruan nga anay naundang an ira implementasyon han paggamit han full face helmet matungod han pandemic.
Dugang pa hine nga hapagkayana in ira na ginbabalik matungod nga medyo nagtitika-upay naman iton sitwasyon ha syudad.Mahugot naman nga ginpahinumdom han mao nga opsiyal nga sundon an mao nga kamanduhan agud nga dire ma-tiketan an mga mabiyahe nga motorista nganhi ha downtown area han syudad.
