TEHRAN, IRAN – Ginatake an usa nga cargo ship nga nakarehistro ha Thailand samtang nabiyahe ha Strait of Hormuz, kun diin tulo nga tripulante an nawawara.
Ginkumpirma han Royal Thai Navy nga gintarget an barko nga Mayuree Naree kahuman ini lumakat ha Khalifa port ha United Arab Emirates pakadto ha India.
Basar han mga gin-pagawas nga litrato han militar, makikit-an an madakmol nga itom nga aso tikang ha barko ngan mga nagkalutaw nga life rafts ha kadagatan.
Sumala ha opisyal nga pahayag tikang han hukbong dagat, an barko in ginatake samtang naagi ha Strait of Hormuz.
Natalwas naman han Omani navy an 20 nga marinero, samtang padayon an rescue operations para han tulo nga nawawara nga miyembro han crew.
Nahitabo ini nga insidente ha butnga han grabe nga tensyon ha rehiyon kun diin naglunsar hin mga pag-atake an Iran kontra ha mga hagrani nga nasud nga nag-e-export hin lana.
