INTERNATIONAL – Naka-upod an tech tycoon ngan ginkokonsidera nga pinakamayaman nga tawo ha kalibutan nga hi Elon Musk ha nagin pag-istorya nira US President-elect Donald Trump ngan Ukraine President Volodymyr Zelensky ha usa nga phone call, usa kaadlaw mahuman an 2024 US Presidential elections.
Gin kumpirma han usa nga Ukraininan official nga mayda direkta nga hibaro ha pag-istorya han duha nga lider, nga tumawag hi Zelenksy kan Trump para ig-congratulate ine ha iya pagdaog ha US elections kun diin nahituman naman nga kaupod ni Trumo hi Elon Musk ha Mar-a-Lago.
Igin istorya naman han usa pa nga source an nagin pag-iistorya nira Trump ngan Zelensky kumo positibo ngan cordial conversation.
Dugang pa hine, igin butang daw ni Trymp an tawag ha loud speaker ngan igin hatag kan Musk an phone.
Ginpasalamatan naman ni Zelensky hi Elon Musk para ha iya bulig ha ira nasud nga magkamay-ada hin mga kumunikasuon pinaagi han access ha Starlink satellite internet platform ha butnga han sobra duha katuig nga kasamok hine ha Russia.
Nag-iha an pag-istorya hin pito kaminuto pero waray an mga hine maghingaday hin mga polisiya.
