CULABA, BILIRAN – Arestado an usa nga team leader han Philippine Coast Guard nga naka-base ha Culaba, Biliran mahuman mga mangikil o man-extort ha mga paru-pangisda ha lugar.
Ginkilala an suspek ha apilyedo nga Puerto, team leader han PCG Culaba, Biliran station.
Sumala kan CIDG Biliran Provincial Field Unit Officer-in-Charge, PCapt. Arniel Buraga, positibo nga nakuha mismo ha suspek an salapi nga gin-extort hini ha mga biktima kun diin nasakpan pa ini nga ginlalabog an salapi agud dire makuha ha iya.
Basar han imbestigasyon, tikang dida han Pebrero han presente nga tuig in nan-e-extort na an suspek ha mga biktima kun diin mahitungod hini in napiritan na pagreklamo an mga biktima ha gobernador han probinsya han Biliran ngan ginpatawag naman ini.
Dugang pa han mga tagreklamo, labot la han salapi nga gin aaro hini in naaro pa gihapon ini hin isda ngan dire nakarawat kun gutiay la an ginhahatag.
Gin pasakahan naman na hin kaso pagtalapas ha RA 3019 o Anti-Graft and Corrupt Practices Act an suspek, ngan presente nga nakadetine ha Culaba Municipal Police Station.
