TACLOBAN CITY – Ginpahibaro han Tacloban City Police Office, nga nagpasarang hira hin mga kapulisan yana nga adlaw kumo pagtikang hiton klase han mga pampubliko nga eskwelahan hiton syudad.
Sumala kan PLtCol Allan Camasin, City Affairs & Development Unit Tacloban City Police Office, maabot ha 2-3 nga mga kapulisan an gintudlok ha mga eskwelahan agud nga umasister an mga ine ha kabataan, ngan siguraduhon an katalwasan han mga ine.
Dugang pa hine, maabot ha 30 nga mga tinaglawas hiton kapulisan an ira gin-deploy ha bug-os nga syudad.
Ginmalatumat pa hine, madepende naman ha kadako hiton eskwelahan, kun pira nga PNP personnel an ira igdedeploy agud nga umasister ha mga kabataan ngan sugadman ha trapiko.
Nanawagan naman ine hin kooperasyon ha mga motorista, nga dire magdinagmiton hiton padalagan kun naabot na ha area hiton mga eskwelahan, agud nga dire makag-kawsa hiton disgrasya, labi na nga gintatagan hin prayoridad an katalwasan han mga estudyante.
