TACLOBAN CITY- Hul-os na an pangandaman han Tacloban City Police Office para ha nagtitikaharani nga kapatronan ha syudad han Tacloban.
Sumala kan Police Chief Inspector Rex Cantiller han TCPO nga ha pagkayana pala in may ada na nakaandam nga schema han mga kapulisan agud nga magbantay ha seguridad han syudad labis na ha adlaw ha pagpasundayag han Pintados ngan Sangyaw kun diin lalauman nga damo an magkikita nga mga katawhan.
Dugang pa ni Cantiller, nga gawas la han mga kapulisan, kinahanglan guihapon nga maging mabinantayon an kada indibidwal agud makalikay ha mga kaso hin snatching o bisan ano nga klase hin pangawat.
Mababaruan nga ha pagtungtong pala ha bulan han Hunyo, damo na an mga nakahan-ay nga aktibidadis ngan mga kiritaon kumo kaparte ha kapatronan han Tacloban.
