-- Advertisements --
TACLOBAN CITY – Usa nga drug buy-bust operation an gindumara han mga otoridad ha Purok Banog, Brgy. Baras, Palo, Leyte an nagresulta hin pagkakadiskubre han mga nagpakatanom nga mga marijuana kun diin gin pan-bunot ngan gin kumpiskar ine han mga otoridad.
Ginkilala an suspek kan alyas “Jojo” kun diin nakuha ha iya han mga otoridad an
- 5 kabug-os hin heat-sealed transparent plastic sachet nga nagsusulod hin dried marijuana leaves;
- 2 kabug-os hin heat-sealed transparent plastic sachet nga nagsusulod hin suspected dried leaves ngan tangkay (stalk) hin marijuana;
- 3 kabug-os hin stem marijuana leaves;
- 9 kabug-os hin dried marijuana leaves nga naka-rolyo ha dahon hin saging;
- 33 kabug-os hin tangkay (stalk) hin Marijuana plants; ngan
- Usa ka-zip lock pack nga nagsusulod hin mamara-mara nga marijuana leaves
Nakuha gihapon ha suspek an mga masunod nga non-drug items; - Usa kabug-os nga 500-peso bill nga buy-bust money;
- Usa ka-pack hin Mighty Cigarette;
- Usa ka-unit hin keypad cellular phone (NOKIA) color blue green
- Assorted ID’s;
- Assorted documents;
- Usa kabug-os nga flashdrive color silver;
- Usa kabug-os nga scissor;
- Usa kabug-os nga black wallet; ngan
- Usa kabug-os nga black sling bag
Samtang, an dried marijuana in natimbang naman hin 39 ka-gramos ngan mayda estimated amount nga P4,680, an tangkay (stalk) naman han marijuana plants in mayda kabug-aton nga 12, 330 ka-gramos ngan estimated amount nga P1,479,600.
Gin dara naman an suspek ha presinto para han dokumentasyon ngan kaangayan nga disposasyon ngan papasakahan hin kaso pagtalapas ha Section 5, 11, 12 ngan 16, Art II han RA 9165.
