TACLOBAN CITY – Ginsisiguro han Tacloban Rescue Unit (TACRU) nga dire makokompromiso an katalwasan han ira mga personnel ngan responders nga ha pagkayana in nakatuka ha pagtapo o pagtransport han mga nagkakaulpot nga Locally Stranded Individuals (LSI) ngan mga OFWs ha syudad.
Una na nga ginpailarom an mga reponders han TACRU ha swab test kun diin tanan han mga ini in nagnegatibo an resulta.
Sumala kan Lotlot Raagas, team leader han TACRU, ira ginsisiguro nga tanan han mga reponders nira nga nagtatransport ha mga OFWs ngan LSI in nagpakasul-ot hin PPEs ngan may sadang nga proteksyon.
Mahugot gihapon nira nga ginsusunod an mga protocols nga ginpapatuman han City Health office agud nga maging hapsay an panguli han mga returning residents han Tacloban.
