TACLOBAN CITY--Gin-aghat han Community Livelihood Extension Program (CLEP) an mga Taclobanon nga magpailarom ha skills training agud nga mabuligan an mga ine nga magkamayda hin hibaru ha panrabahuan.
Sumala kan Rowena Mate, Coordinator han CLEP, ine nga livelihood program in madugay na nga ginpapadalagan han ira buhatan.
Subay ha ira mga monitoring ha sakob hiton 20 katuig, damo nga Taclobanon an nag-graduate na han programa.
Pira ha mga linya han mao nga programa amo an, bartender, food processing, baking, cosmetology, dress making, sales printing ngan kaupod gihap an nail arts.
Kurugan naman ha mga naka-graduate na in nakagtikang na han ira kalugaringon nga negosyo.
Dugang pa ni Rowena nga ini in half day classes la kundiin maabot ha 10-15 ka adlaw ngan an pinaka maiha naman in 35 ka adlaw ha dress making.
Maabot naman ha 9 million an naka alutaga nga budget han programa kaupod na an mga livelihood kits, mga gamit han klase ngan mga pagkaon nga gagamiton naman ha mga pagluluto.
via | Bombo Jake Paguipo
