-- Advertisements --
TACLOBAN CITY – Gin aghat ni Tacloban Mayor Alfred Romualdez an tanan nga mga frontliners hilabi na an mga nagpaka quarantine tungod han COVID-19 nga limitahan na han mga ini an ira movement o an paglinakat lakat.
Sumala han mao nga opisyal nga mas maupay nga kahuman han trabaho han mga ini in deristo na umuli ha ira mga panimalay o boarding house ngan diri na magliniyong liyong.
Ini in agud nga diri na rumangrang an kaso han COVID-19 ha siyudad.
Mababaruan nga ha pagkayana in naabot na ha 54 an kabug-usan nga kaso han COVID-19 ha siyudad han Tacloban samtang 431 naman ha bug-os nga rehiyon otso.
