Ginpadayon han Tacloban City an Intermunicipality Basketball Tournament nga ginhimo komo alternatibo ha Sangyaw Cup nga kasagaran ginbubuhat kada Hunyo.
Sumala kan Michael Octaviano, OIC City Sports Coordinator, dapat unta dida han Hunyo ginbuhat an Sangyaw Cup, pero tungod han kakulangan han available nga pasilidad kay damo an mga aktibidad ha syudad hadto nga panahon, ginplano nga ibalhin ini ha ikaduha nga semana han Hulyo. Pero, tungod han mga trahedya nga nahitabo ha Tacloban, waray na ini ipadayon ngan yana la Agosto nahimugso an Intermunicipality Basketball Tournament.
Ginpahayag ni Octaviano nga 10 nga teams an target unta nga bumulig ha torneo, pero pito la an opisyal nga nakasulod. Lakip hini an mga team tikang ha Tacloban, Basay, Caibiran, Biliran, Ormoc, Alang-Alang ngan Dulag.
Dugang pa niya, usa han mga hinungdan nga pito la nga team an nakasulod amo an kadagmit han pag-andam han torneo tungod han short notice. Magkadurudilain liwat an mga iskedyul han mga bungto, samtang limitado an mga nakabulig tungod nga an iba nga mga munisipyo in mayda na liwat kalugaringon nga mga obligasyon ngan aktibidad.
Padayon yana an mga kompetisyon samtang ginhuhuman na an elimination round. Nakakuha na hin slot ha semifinals an Alang-Alang ngan Ormoc, samtang ginhuhulat pa an iba nga mga team nga makasulod tikang ha luyo nga bracket. Nakaiskedyul naman buwas an championship game han torneo.
Para han mga magigin kampeon, P100,000 an premyo, samtang P50,000 para ha ikaduha nga pwesto ngan P30,000 para ha ikatulo nga pwesto. Samtang, makakakarawat liwat hira hin trophy ngan medals komo pagkilala han ira performance ha kompetisyon.
