TACLOBAN CITY – Mapasinalamaton an Tacloban City Nutrition Office ha naging malinampuson nga mga aktibidad kaupod an mga barangay ha syudad kasumpay han selebrasyon han usa kabulan nga Nutrition Month yana nga Hulyo.
Sumala kan Malou Tabao, head han Tacloban City Nutrition Office, yana nga adlaw gindumara an ira culminating activity mahuman an usa kabulan nga selebrasyon ngan pagpapatuman han ira adbokasiya kaparte han nutrisyon.
Mapasinalamaton gihapon an mga ini ha kada barangay ha syudad nga nag-alutaga hin budget para ha mga nutrition activities dire la ha mga kabataan kundi pati na gihapon ha mga lactating and pregnant mothers.
Utro naman nga gintagan hini hin duon nga dire la kutob yana nga bulan han Hulyo an ira adbokasiya ha nutrisyon kundi magpapadayon ini kutob ha bug-os nga tuig.
