TACLOBAN CITY– Padayon nga nakaka-karawat hin mga pasyente an Tacloban City Hospital partikular na ha sakit nga pneumonia, altapresyon ngan damo la nga iba.
Sumala kan Tacloban City Hospital, Acting Chief of Staff, Dra. Gloria Fabrigas, kasagaran ine nga mga sakit nga nagkakagawas kun pabag-o bag-o iton panahon sugad han nakalabay nga semana, nga nagin mauran.
Dugang pa hine, ha pagkyana mayda na hira 54 nga admitted nga pasyente ha nasabi nga ospital.
Ginmalatumat hine, nga ha pagkayana agsob hira mapuno hiton mga pasyente.
Ginpaangbit naman ni Fabrigas, nga nahagos la ha 3-5days an pagpabilin hiton ubo ngan sip-on, pananglitan naman nga mag usa na kasemana in kinahanglan la na magpakonsulta ha pinaka harani nga health center ha iyo barangay.
Nanawagan naman ine ha publiko, nga batasanon nga magin vigilante ha ngatanan nga higayon, ngan igpabilin nga mahimsog iton panlawas, agud nga dire dayon maduktan hiton bisan anu nga sakit yana nga pabag-o bag-o iton panahon.
