TACLOBAN CITY – Ginpahayag ni Tacloban City Vice Mayor Jerry Sambo Yaokasin nga human an an ikatulo ngan urhi nga pagbasa han ginduduso nga fare hike han mga MCH drivers ha syudad.
Ginklaro naman han mao nga bise alkalde nga diri pa pwede nga mag-implementar an mga drivers han ira ginduduso nga P9 nga pamasahe ha pagkayana mahitungod nga kinahanglan pa ini igpailarom ha proseso.
Sumala kan Yaokasin, san-o ini maimplementar kinahanglan pa nga mapirmahan ini han mga konsehal han bungto ngan igpasa kan Mayor Cristina Romualdez ngan mayda pa 15 kaadlaw nga kinahanglan hulton mahuman an publication hini.
Nagpahimatngon naman ini ha publiko nga kun may mga sumukot ha ira hin P9 nga pamasahe in dayon ini nira nga igpasabot ngan igreklamo.
Ginbabana-bana naman nga maipapatuman an mao nga fare hike mahuman an usa kabulan tikang yana.
