TACLOBAN CITY – Agud mapabilin an kaayusan ha sektor han negosyo ngan masigurado an katalwasan han publiko, ginpo-pokusan han lokal nga panggobyernohan han Tacloban an mahugot nga pagpapatuman han mga regulasyon ha mga boarding houses nga waray business permit.
Damo nga mga establisyemento an temporaryo nga ginpasara matapos madiskobrehan nga nago-operate an mga ine bisan waray lisensiya.
Subay kan Robert Eviota, License Inspector, Tacloban City Business Permit & License Division, ine in kaparte han mas haluag nga kampanya agud tuhay nga mairehistro ngan ma-regulate ang ngatanan nga negosyo sa siyudad.
Damo gihapon nga mga boarding houses nga dire pa rehistrado ngan dire nasunod ha mga balaod.
An mga ine in kinahanglan magkaada hin business permit ngan dire safety inspection agud mapangalagaan dire la an negosyo kundi pati gihapon an komunidad.
Dugang pa han opisyal, dire panuyuan han lokal nga panggobyernohan nga maging balaong ha mga negosyante, lugod in panuyuan hine nga buligan an mga ine nga magkamay-ada hin lehitimo ngan mas makusog nga operasyon.
Kasumpay hini, gin-aghat ni Eviota an mga boarding houses owner nga kumuha hin business license ngan makipag-koordinar ha Bureau of Fire Protection para ha kaangayan nga inspeksyon.
Pinaagi hinin nga pitad in ginlalaoman han lokal nga panggobyernohan han Tacloban nga maiibanan an kadelikaduhan han aksidente sugad han sunog ngan mas mapapakusog an pagtapod han publiko ha mga lehitimo nga negosyo ha siyudad. (via Bombo Shiela Encio)
