TACLOBAN CITY– Ginmalatumat hiton Tacloban City DepEd Division, nga mayda hira gin-andam nga mga aktibidadis para hiton mga estudyante nga nakukurian makabasa ngan pagdudumaraon ine yana nga summer season.
Sumala kan Dr. Nilo Eder,Information Officer, Deped Tacloban City Division, usa an Literacy Remediation Program nga ira gin-andam para hiton mga estudyante nga nakukurian nga makabasa hiton English subject ha ira klase ngan ine in naka-pukos la ha grade 3 students
Labot la ha nasabi nga programa, nagpapadayon gihapon an Summer Academic Remedial Program, para hiton mga estudyante nga mayda hulog nga grado ha ira mga subject.
Dugang pa hiton mao nga opisyal, nga naka pukos naman an Summer Academic Remedial Program, ha grade 4-12 students.
Ginpaangbit ni Eder, nga kadungan han pagtikang hiton Literacy Remediation Program magtitikang gihapon an Summer Academic Remedial Program ha maabot nga Mayo 13 kutob Hunyo 6 han presente nga tuig.
