Nagpasaka hin kaso hi anay U.S. President Joe Biden kontra ha U.S. Department of Justice (DOJ) agud pugngan an plano nga pagpapagawas hin audio recordings ngan transcripts han iya pribado nga pakig-istorya ha iya biographer dida han 2016 ngan 2017.
Subay ha reklamo nga ginsalawad han federal court ha Washington, D.C, nakatalaan nga igpagawas han DOJ ha Hunyo 15 an mga nasabi nga materyales ha U.S. House Judiciary Committee ngan ha conservative group nga Heritage Foundation.
An nasbai nga grupo in naghangyo hin mga dokumento kumo kaparte han impormasyon nga ginamit ha imbestigasyon ni anay Special Counsel Robert Hur dida han 2023 kasumpay ha pagkapot ni Biden han classified documents.
Duon ha demanda, gin abuso an proseso han request han komite agud malikayan an mga probisyon han Freedom of Information Act nga naglilimita ha pagpapagawas han nasabi nga impormasyon.
Ginhahangyo han kampo ni Biden ha korte nga igdeklara nga “not valid” ngan “pretextual” an request han komite ngan igbawal an pagpagawas han mga recording.
