TACLOBAN CITY– Ginmalatumat hiton Tacloban City Agriculture Office, nga waray gud dako nga danyos an nahipatik ha sector hiton mga parag-uma ngan parupangisda ha syudad.
Sumala kan Romelo Anade, Head City Agriculture’s Office Tacloban City, ugsa pa umabot an kalamidad in nakapangandam na mangud an mga ine, pinaagi hiton pagbabandilyo nga ginhihimo han ira buhatan kumo pangandaman ha posible nga magin epekto han nakalabay nga mga bagyo.
Subay ha ira nagin monitoring, nakaghipatik la hin minor damage an pira nga mga agriculture areas ngan mga coastal water areas ha bug-os nga Tacloban.
Ginpaangbit pa hine nga nahirugda na an mga parag-uma ngan parupangisda ha syudad, sanglit kun may tiarabot nga kalamidad in dayon an mga ine na-ngangandaman, agud nga waray may mahipatik nga dako nga danyos ha ira pakabuhi.
Kataliwan hine, dayon gihapon an ira buhatan nanginano han mga pamresyuhan han mga pangunahon nga papliton, matungod nga kasagaran nga nahihitabo in naniningabot an pira ng mga negosyante kahuhuman iton kalamidad.
Waray naman hira may namonitor nga nag-patuman hin overprice ha pira na mga pangunahon nga papliton ha mekado.
