TACLOBAN CITY- Manilampuson an gin dumara nga gi-syasyahani nga Drive-Thru COVID-19 Vaccination Site han City Government of Borongan ha Baybay Boulevard ka kulop nga adlaw.
Maikokonsidera ine nga syahan nga drive-thru COVID-19 vaccination site nga gindumara ha bug-os nga Eastern Visayas.
An mao nga drive-thru COVID-19 vaccination in para ha mga Category A1 o adton Health care workers ngan Category A2 nga mga Senior Citizens nga aada ha priority group han mga babakuna kontra COVID-19.
Sumala kan Hon. Jose Ivan Dayan Agda, City Mayor han Borongan Eastern Samar, nga panuyo han gindumra nga drive-thru vaccination in agud nga mapadagmit an vaccination rollout ngan dire makagkawsa hin pagkatapon-tapon han virus.
Usa gihapon ha mga rason kun kay-anu hira nagmugna hin drive-thru vaccination rollout matungod nga mayda mangud mga kalagsan nga aada ha A2 priority group an dire na nagpapakalat ngan aada nala ha ira wheelchair, sanglit nga mas nakabulig an mao nga drive-thru vaccination agud nga magin hustle-free ha ira an pagpapabakuna.
Mababaruan nga maabot naman ha 180 an mga nabakunahan han AstraZeneca COVID-19 vaccine ha ginadumara nga vaccination ka kulop nga adlaw.
