TACLOBAN CITY – Samaran an usa nga pulis mahuman ine nga panigbason ha Brgy. 4, Jipapad, Eastern Samar.
Ginkilala ang biktima nga pulis kan PLT Norben,Carbonera, Officer-in-Charge ng Jipapad Municipal Police Station.
Samtang ginkilala naman an suspek kan alyas Ariel, 37 – anyos ngan residente han Brgy. 3, Jipapad, Eastern Samar.
Sumala kan PLT. Lovely Alyssa Bonifacio , Information Officer Eastern Samar Police Provincial Office, subay ha ira gindumara nga imbestigasyon ngan ha salaysay han asawa han suspek, makaduha na ine ka-beses nga nagprobar magpakamatay.
Nahibaruan gihapon ha imbistigasyon nga may suksok ine nga sundang, ngan kumadto ha police station, didto syahan hine nga nahikit-an hi PLT. Carbonera, ngan dayon la ine nga ginpaninigbas an pulis, kun diin nakag-angkon ine hin samad iya lawas.
Ha nasabi nga panhitabo, dayon naman nga rumisponde an kapulisan, kun diin ginpusil han mga ine an suspek nga nagresulta han iya dayon nga kamatayon.
Ginkondina naman ine han Eastern Samar PPO matungod nga an nasabi nga pag-ataki in waray hilarom nga rason.
Ha pagkayana, padayon pa an ginhihimo nga imbestigasyon han mga otoridad kasumpay ha nasabi nga panhitabo.
