TACLOBAN CITY – Ginpasakahan han Kapulisan ha rehiyon otso hin kaso nga Multiple Frustrated Murder an usa nga lalaki nga gintudlok nga Suspek han panbomba ha Hilongos, Leyte dida han nakalabay nga Disyembre 28, 2016.
Ginkilala an suspek nga hi Jake Anthony Macuto, Balik Islam ngan miyembro han Maute Group ngan naguukoy ha Baranggay Concepcion, Hilongos Leyte.
Sumala kan Ma Bella Rentuaya, Tagapagyakan han Police Regional Office 8(PRO-8), labot la han mao nga Suspek in ginpasakahan liwat hin pareho nga kaso an 3 nga mga John Does.
Padayun naman an ginbubuhat nga intensive Investigation han Special Investigation task Group- Hilongos agud nga madakop an mao nga mga Suspek.
Maikokonsidera naman subay ha PRO-8 an pagkaidentify ha mao nga Suspek.
Manunumduman nga dida han Disyembre 28 in naabot ha 32 katawo an samaran mahuman nga matabo an duha nga pambobomba ha Hilongos, Leyte.
