TACLOBAN CITY–Na-rekober an suspected Marijuana nga nakantidad hin P2.1-M ha usa nga joint anti-illegal drugs operation kakulop, ika 7 han Enero.
Sumala kan Rogellete Urgel, Information Officer han Philippine Drug Enforcement Agency Region 8, nakumpiska an mga ini, alas 6:21 han kulop ha usa nga courier hubpinaagi han inspection han K9 upod an mga taga Baybay Police Station.
Kalakip hini an 17 ka bricks nga plastic nga mayada sulod nga suspected dried Marijuana leaves nga mayda kabug-aton nga purluminos 17 kilograms, ngan mayada estimated market value nga P2,040,000.00.
Dugang pa hini, nakuha gihapon an 20 ka vape inhalers nga mayada sulod nga cannabis oil nga mayada estimated market value nga P70-K.
Ginmalatumat gihapon ni Urgel nga mayada nagpadara hini, pero waray nira kadakop mahitungod nga waray ig-claim an mao nga parcel.
Gindig-unan ni Urgel nga kalakip an mga courier ha ira campaign against illegal drugs, ngan nag MOA hira ha mga courier ha rehiyon agud mapugnan an pagpadara hin droga gamit han ira serbisyo.
