TACLOBAN CITY – Ginpatapod han Tacloban Market Superintendent, nga padayon an ira monitoring ha pampresyuhan han tanan nga mga ginbabaligya ha merkado publiko hiton syudad.
Sumala kan Tacloban City Supermarket, OIC Market Superintendent, Recardo Ogardo, nagkakamyad hira hin surpirse inspection, agud nga mahibaruan nira kun padayon nga nagtutuman o nagsusunod an mga manirinda.
Usa ha ira ginbabanatay an mga timbangan nga gingagamit han mga manirinda, kun diin ha pagkayana in ira ginpla-planuhan nga magdumara hin inspection kinada ma-agahon, tungod ine an kasagaran nga nagamit an ngatanan hin timbangan.
Pananglitan naman may mahidakpan nga nanlilimbong hiton timbang, dayon nga kukumpiskaron an ira mga timbangan, ngan pananglitan maka tulo na ine nga nagsisinayup posible umatubang hiton suspension an nasabi nga vendor ha sulod hiton 1 ka-semana.
