ODD NEWS- Usa nga klase hiton istorya han pag-higugma na liwat an nagpamatuod nga kun nag-hihigugma an usa nga tawo in “hahamakin nito ang lahat, masunod ka lamang.”
Ha usa nga syudad ha Ganeshpur, India usa nga electrician an gindakop ngan ginpadara ha ira baryo mahuman ine nga igsabotahe an suplay han kuryente ha ira lugar, agud nga sekreto ine nga makipagkita ha iya gin-hihigugma nga babaye.
Subay ha report, haros gab-i/ gab-i nga nawawarayan hin suplay hiton kuryente an bug-os nga syudad han Ganeshpur ha kada magsisirom ngan nagdudugay ine hin duha ka oras.
An mao nga panhitabo in duro nga iginkaka-pausa han mga residente matungod nga subay ha ira power supply company, waray hira naitatala nga aberya o pag malfunction han mga transformers ngan planta tikang ha ira mga sources.
Sanglit nga tahap han mga residente ha lugar nga may nagsasabotahe ha ira power suplay, matungod nga an mao la nga lugar an nakaka-experyensya han mao nga panhitabo.
Matungod dinhe nagdesisyon an pira nga mga residente nga magdumara hin pagpapatrolya kun diin nadakop nira an electrician kaupod an usa nga babaye ha sulod han usa nga eskwelahan ha ira lugar.
Gin-amin naman hine nga hiya an nagpaparong han kuryente ha ira lugar, agud nga sekreto ine nga makipagkita ha iya uyab nga dire karuyag han iya mga kag-anak para ha iya.
Ha ginhimo han electrician in nag-resulta ha pag-pabor ha iya hingyap, agud nga igpakasal an mga ine ha bulig han mga village elders.
