TACLOBAN CITY – Nagpapabilin nga supresyente an suplay han galunggong ha Sinirangan Bisayas ini bisan ha kaluyo han distroso nga ginbilin han Bagyong Odette ha pira nga lugar ha nasud, ini in subay ha Bureau of Fisheries and Aquatic Resources (BFAR) Region Office 8.
Sumala kan Juan Albaladejo, Regional Director BFAR VIII, nauna nga ginpahayag han Department of Agrarian Reform (DAR) nga an Pilipinas in mag-aangkat hin 60,000 metric tons hin gutiay nga mga isda agud makab-ot na gihapon an demand partikular na ha galunggong, sardinas ngan mackerel ha siyahan nga quarter han 2022.
An Region 8 in usa nga major producer hin galunggong ha nasud pero nagkakamayda ini hin closure agud mas mapadamo pa an stock hin galunggong rehiyon ha pag-abot hiton masunod nga mga adlaw.
An coverage han mga isda sugad hiton galunggong nga nawawara in kaudgan gin-aabat ha NCR ngan ha Central Luzon pero supresyente naman an suplay ngan produksyon han mao nga isda ha Region 8.
Ginbabana-bana nga maabot ha sobra 160,000 metric tons hin isda an nawara ha pagkayana ha produksyon ngan mas naapektuhan pa ini han magkamayda hin closure.
